नेपाल स्टक बजारमा सामान्य गिरावट, आठ अर्बभन्दा बढीको कारोबार
प्रकाशित मिति: सोमबार, चैत्र ३०, २०८२ | १७:२६:०५
चितवन, ३० चैत्र । नेपाल स्टक एक्सचेञ्ज (नेप्से) परिसूचक आज ४.१८ अङ्कले घट्दै २ हजार ८३३.६० बिन्दुमा कायम भएको छ । कुल ३४२ कम्पनीका २ करोड १ लाख ६३ हजार ७९३ कित्ता सेयर १ लाख १ हजार १८० पटक खरिद–बिक्री हुँदा ८ अर्ब ६६ करोड ५५ लाख ६८ हजार ६४१ रुपैयाँ बराबरको कारोबार भएको छ ।
आजको कारोबारमा बैंकिङ समूह ०.४७, विकास बैंक ०.५५, वित्त ०.२९, जीवन बीमा ०.४६, लघुवित्त ०.४२, व्यापार ०.२१ र अन्य समूह १.६२ प्रतिशतले घटेका छन् ।
यता होटल तथा पर्यटन १.०२, जलविद्युत् ०.६६, लगानी ०.१३, उत्पादन तथा प्रशोधन ०.४०, म्युचुअल फन्ड ०.३६ र निर्जीवन बीमा ०.४६ प्रतिशतले बढेका छन्, जसका कारण समग्र बजारमा मिश्रित कारोबार देखिएको छ ।
प्रकाशित मिति : सोमबार, चैत्र ३०, २०८२ |
१७:२६:०५
639
