भारतका प्रधानमन्त्री मोदी र रास्वपा सभापति रवि लामिछानेबीच नयाँ दिल्लीमा भेटवार्ता
प्रकाशित मिति: बुधबार, जेठ २०, २०८३ | १६:२९:०५
चितवन, २० जेठ । भारत भ्रमणमा रहेका रास्वपा सभापति रवि लामिछाने र भारतका प्रधानमन्त्री नरेन्द्र मोदी बीच आज नयाँ दिल्लीमा भेटवार्ता भएको छ।
भेटपछि प्रधानमन्त्री मोदीले सामाजिक सञ्जालमार्फत लामिछानेसँगको भेटप्रति खुशी व्यक्त गर्दै साझा समृद्धि र आपसी सहकार्यलाई अझ सुदृढ बनाउने प्रतिबद्धता जनाएका छन्। उनले नेपाललाई ‘पहिलो छिमेकी’ नीतिअन्तर्गत प्राथमिक साझेदार राष्ट्रका रूपमा उल्लेख गर्दै दुई देशबीचको विशेष सम्बन्धलाई थप उचाइमा पुर्याउन सहकार्य गर्न इच्छुक रहेको बताएका छन्।
भेटमा नेपाल–भारत सम्बन्ध, आपसी हितका विषय तथा रास्वपा र भारतीय जनता पार्टी (भाजपा) बीचको सम्बन्धबारे छलफल भएको जनाइएको छ।
भेटवार्तामा भारतका विदेशमन्त्री एस जयशङ्कर, राष्ट्रिय सुरक्षा सल्लाहकार अजित डोभल लगायत उच्च अधिकारी सहभागी थिए। नेपालका तर्फबाट लामिछानेसहित रास्वपाका नेताहरू तथा नयाँ दिल्लीस्थित नेपाली दूतावासका अधिकारीहरूको उपस्थिति रहेको थियो।
भाजपाका अध्यक्ष नीतिन नवीनको निमन्त्रणामा लामिछाने पाँचदिने भारत भ्रमणमा रहेका छन्।
प्रकाशित मिति : बुधबार, जेठ २०, २०८३ |
१६:२९:०५
661
सम्बन्धित समाचार
समाबेसी ट्रेन्डिङ
