जुम्लामा ११ महिनामा ट्राफिक कारबाहीबाट ८ लाख १२ हजार रुपैयाँ राजस्व सङ्कलन
प्रकाशित मिति: शुक्रबार, आषाढ १२, २०८३ | १३:२४:४५
चितवन, १२ असार । जिल्ला ट्राफिक प्रहरी कार्यालय जुम्लाले चालु आर्थिक वर्षको पहिलो ११ महिनामा ट्राफिक नियम उल्लङ्घन गर्ने सवारी चालकलाई कारबाही गरी रु ८ लाख १२ हजार राजस्व सङ्कलन गरेको छ।
सवारी नियम उल्लङ्घन, मादक पदार्थ सेवन गरी सवारी चलाउनेलगायतका कसुरमा गरिएको कारबाहीबाट उक्त राजस्व सङ्कलन भएको जिल्ला ट्राफिक प्रहरी कार्यालय जुम्लाका प्रहरी सहायक निरीक्षक जगतबहादुर कठायतले जानकारी दिए।
यस अवधिमा जिल्लाभर ६८ वटा सवारी दुर्घटना भएको भए पनि कुनै मानवीय क्षति नभएको कार्यालयले जनाएको छ।
पछिल्लो समय सहरीकरणसँगै जुम्लामा सवारी साधनको संख्या र चाप बढ्दै गएको भन्दै ट्राफिक कार्यालयले सडक सुरक्षा र नियम पालनामा थप सचेत हुन सबैलाई आग्रह गरेको छ।
प्रकाशित मिति : शुक्रबार, आषाढ १२, २०८३ |
१३:२४:४५
837
