देश निर्माणका लागि तीनै अंगको ‘स्पिड र स्पिरिट’ मिल्नुपर्छ : सभामुख डीपी अर्याल
प्रकाशित मिति: मंगलबार, आषाढ १६, २०८३ | १४:५२:४९
चितवन, १६ असार । सभामुख डीपी अर्यालले देशलाई समृद्ध र विकासको फास्ट ट्र्याकमा अघि बढाउन कार्यपालिका, न्यायपालिका र व्यवस्थापिकाबीच समान गति (स्पिड) र भावना (स्पिरिट) आवश्यक रहेको बताएका छन्।
बुधबार काठमाडौंमा आयोजित एक कार्यक्रममा बोल्दै उनले अघिल्लो पुस्ताको अनुभव र नयाँ पुस्ताले हासिल गरेको ज्ञानलाई समन्वय गर्दै अघि बढ्नुपर्नेमा जोड दिए।
उनले संविधानको अक्षरशः पालना गर्दै कानुनी राज्यको अवधारणाअनुसार कुनै अवरोध नआउने गरी शासन सञ्चालन हुनुपर्ने बताए।
सभामुख अर्यालले जनजीविका, राष्ट्रियता, सुशासन, समृद्धि र भ्रष्टाचार अन्त्यलाई प्राथमिकतामा राखेर नेपाललाई बस्न र फर्किन योग्य देश बनाउने वातावरण सिर्जना गर्न सबै पक्षले निरन्तर खबरदारी गर्नुपर्ने पनि उल्लेख गरे।
प्रकाशित मिति : मंगलबार, आषाढ १६, २०८३ |
१४:५२:४९
155
