सरकारले स्वार्थअनुसार संविधान–कानुन बदल्न खोज्दैछ : शंकर पोखरेल
प्रकाशित मिति: आइतबार, साउन ०३, २०८३ | १६:००:३६
चितवन, ०३ साउन । नेकपा एमालेका महासचिव शंकर पोखरेलले वर्तमान सरकारले संविधान र कानुनलाई आफ्नो स्वार्थअनुसार संशोधन गर्न खोजेको आरोप लगाएका छन्।
पार्टी केन्द्रीय कार्यालय च्यासलमा आयोजित सांसदहरूको प्रशिक्षण कार्यक्रममा बोल्दै उनले कानुन संशोधनको नाममा राज्य संयन्त्रको दुरुपयोग हुन सक्ने भन्दै त्यसप्रति सतर्क रहन आग्रह गरे।
पोखरेलले सरकारले चालु आर्थिक वर्षमै डेढ सयभन्दा बढी कानुन संशोधन गर्ने तयारी गरिरहेको विषय सार्वजनिक भएको उल्लेख गर्दै त्यसको उद्देश्यप्रति प्रश्न उठाए।
उनले समयअनुकूल कानुन सुधार र संशोधन आवश्यक भए पनि सरकारले अघि सारेको संशोधन प्रक्रिया वास्तवमै सुधारका लागि हो वा दुरुपयोगका लागि भन्ने विषयमा गम्भीर समीक्षा आवश्यक रहेको बताए।
प्रकाशित मिति : आइतबार, साउन ०३, २०८३ |
१६:००:३६
727
सम्बन्धित समाचार
समाबेसी ट्रेन्डिङ
