सरकार बनाउने–गिराउनेमै केन्द्रित हुनु हाम्रो ठूलो गल्ती थियो : प्रचण्ड
प्रकाशित मिति: सोमबार, साउन १८, २०८३ | १९:५२:३१
चितवन, १८ साउन । नेपाली कम्युनिस्ट पार्टी (नेकपा) का संयोजक पुष्पकमल दाहाल ‘प्रचण्ड’ले सरकार गठन र विघटनको राजनीतिमै केन्द्रित हुनु आफ्नो राजनीतिक जीवनको ठूलो गल्ती भएको स्वीकार गरेका छन्।
२४औँ बोत्ले स्मृति दिवसका अवसरमा आयोजित कार्यक्रममा बोल्दै उनले केन्द्रमा सरकार बनाउने र गिराउने विषयलाई नै सफलताको मापदण्ड बनाउँदा त्यही प्रवृत्ति प्रदेश र स्थानीय तहसम्म फैलिएको बताए।
प्रचण्डले सरकार बनाउने–गिराउने कार्यलाई नै सफलता र असफलताको आधार मान्दा पार्टीको मजदुर, किसान तथा उत्पीडित समुदायसँगको सम्बन्ध क्रमशः कमजोर बन्दै गएको उल्लेख गरे। उनका अनुसार जनतासँगको जीवन्त सम्बन्ध कमजोर हुनु नै ठूलो कमजोरी बनेको हो।
प्रकाशित मिति : सोमबार, साउन १८, २०८३ |
१९:५२:३१
199
