मधेसमा गोली चलाउने प्रवृत्ति अन्त्य गर्न सांसद अमरेश सिंहको माग
प्रकाशित मिति: मंगलबार, साउन १९, २०८३ | १४:५४:१९
चितवन, १९ साउन । राष्ट्रिय स्वतन्त्र पार्टी (रास्वपा)का सांसद अमरेशकुमार सिंहले मधेसमा आन्दोलन वा तनावका बेला राज्यले सोझै गोली चलाउने प्रवृत्तिको अन्त्य गर्नुपर्ने बताएका छन्।
प्रतिनिधिसभाको बैठकमा बोल्दै उनले तराई–मधेसमा भएका पछिल्ला हिंसात्मक घटनाप्रति चिन्ता व्यक्त गर्दै अहिलेको आवश्यकता समुदायबीचको द्वन्द्व नभई गरिबी, पछौटेपन र असमानताविरुद्धको संघर्ष भएको बताए। उनले सबै समुदायलाई संयम अपनाई सामाजिक सद्भाव कायम राख्न पनि आग्रह गरे।
सांसद सिंहले मधेसमा हुने प्रदर्शनमा प्रहरीले लाठी वा अश्रुग्यासको सट्टा सोझै गोली चलाउने गरेको आरोप लगाउँदै सुरक्षा नीतिमाथि गम्भीर समीक्षा गर्न सरकारसँग माग गरे।
प्रकाशित मिति : मंगलबार, साउन १९, २०८३ |
१४:५४:१९
573
