संयोजक दाहालः “निर्वाचनमा कुनै समीकरण हुँदैन”

चितवन, १४ फाल्गुण । नेपाली कम्युनिष्ट पार्टी (नेकपा)का संयोजक पुष्पकमल दाहाल ‘प्रचण्ड’ले आसन्न प्रतिनिधिसभा सदस्य निर्वाचनमा कुनै पनि राजनीतिक दलसँग तालमेल नगर्ने स्पष्ट पारेका छन्।

पार्टी मुख्यालय पेरिसडाँडामा आज आयोजित पत्रकार सम्मेलनमा प्रचण्डले नेकपा आफ्नो चुनावी एजेण्डा र पार्टी संगठनको आधारमा एक सातापछि हुने निर्वाचनमा सहभागी हुने जानकारी दिए।

“यो निर्वाचनमा नेकपाले कुनै पनि राजनीतिक दलसँग समीकरण गर्दैन। आफ्नै एजेण्डा, पार्टी संगठन र जनताको साथमा निर्वाचनमा जानेछौँ,” उनले भने। उनले बागलुङ क्षेत्र नं १ बाहेक अन्य निर्वाचन क्षेत्रमा कुनै तालमेल नरहेको पनि स्पष्ट पारे।

प्रचण्डले नेकपाले विगतको कमजोरी सुधार्दै जनताको चाहना र भावनाअनुसार सुशासन र समृद्धिको मार्गमा अघि बढ्ने बताए। राष्ट्रिय स्वाधिनता र सामाजिक न्यायको पक्षमा रहेको, भ्रष्टाचारविरुद्ध सक्रिय रहेको नेकपामा जनताले विश्वास राख्ने उल्लेख पनि उनले गरे।

साथै, निर्वाचन स्वच्छ, निष्पक्ष र भयरहित बनाउन राजनीतिक दल, सुरक्षा निकाय, कर्मचारी र आमजनताको भूमिका महत्वपूर्ण हुने भन्दै प्रचण्डले आगामी निर्वाचनले मुलुकलाई निकास दिने विश्वास व्यक्त गरे।

उनीनै जेनरेशन युवाको भावनाअनुसार संविधान संशोधन गर्दै राजनीतिक स्थिरता ल्याउन सबै सरोकारवालासँग सहकार्य र समन्वय आवश्यक रहेकोमा जोड दिए।