नेप्से परिसूचक ८३.३३ अंकले बढेर २७६०.०२ विन्दुमा स्थिर
चितवन, २३ चैत्र । आज सेयर बजारले सकारात्मक प्रदर्शन गर्दै नेप्से परिसूचक ८३.३३ अंकले बढेको छ।
नेप्से परिसूचक ३.११ प्रतिशतले बढेर २७६०.०२ विन्दुमा कायम भएको छ। साताको पहिलो कारोबार दिन नेप्से उच्च अंकले घटेको थियो; आइतबार यसले २६७६.६८ विन्दु कायम गरेको थियो।
आज ३४५ कम्पनीका दुई करोड ५१ लाखभन्दा बढी कित्ता सेयर किनबेच हुँदा कुल १० अर्ब ९२ करोड ८५ लाख रुपैयाँको कारोबार भएको नेप्सेले जनाएको छ। यस दिन २६४ कम्पनीको सेयर मूल्य बढेको छ भने तीन कम्पनीको मूल्य घटेको छ। एक कम्पनीको सेयर मूल्य स्थिर रहेको छ।
चार कम्पनीको सेयर मूल्य सकारात्मक सर्किट लेभलमा बढेको छ। ती कम्पनीहरू हुन्: उपकार लघुवित्त, भुजुङ हाइड्रोपावर, रिद्धि पावर र नेसनल हाइड्रोपावर। यससँगै सुपरखुदी हाइड्रोसहित पाँच कम्पनीले उच्चतम लाभ कमाएको छ।
सबैभन्दा बढी घाटा गर्ने कम्पनीहरूमा लक्ष्मी बैंक डिवेञ्चर (८.५%), सेञ्चुरी डिवेञ्चर २०८८, लक्ष्मी भ्यालु फन्ड २, रिलायन्स स्पिनिङ मिल्स र आईसीएफसी डिवेञ्चर २०८८ (९%) रहेका छन्।
