भारत भ्रमणका लागि प्रधानमन्त्री बालेनलाई मोदीको निम्ता
प्रकाशित मिति: आइतबार, चैत्र २९, २०८२ | १०:४६:५०
चितवन, २९ चैत्र । भारतका प्रधानमन्त्री नरेन्द्र मोदी ले प्रधानमन्त्री बालेन्द्र शाह (बालेन)लाई भारत भ्रमणको निम्ता दिएका छन्। उक्त निम्ता स्वीकृत भएसँगै नेपाल सरकारले आन्तरिक तयारी सुरु गरेको छ, तर औपचारिक घोषणा भने अझै गरिएको छैन।
परराष्ट्रमन्त्री शिशिर खनाल का अनुसार प्रधानमन्त्री मोदीले पठाएको शुभकामना सन्देशसँगै भ्रमणको निम्ता दिइएको थियो, जसलाई प्रधानमन्त्री बालेनले स्वीकार गरिसकेका छन्। यद्यपि भ्रमणको मिति तय हुन बाँकी रहेको उनले जानकारी दिएका छन्।
हाल नवौँ हिन्द महासागर सम्मेलनमा सहभागी हुन मौरिससमा रहेका मन्त्री खनालले भारतीय सञ्चारमाध्यमसँगको कुराकानीमा यस्तो बताएका हुन्। साथै, उनले मौरिससमै गत शुक्रबार भारतका विदेशमन्त्री एस जयशंकर सँग भेटवार्ता समेत गरेका थिए।
प्रकाशित मिति : आइतबार, चैत्र २९, २०८२ |
१०:४६:५०
1871
सम्बन्धित समाचार
समाबेसी ट्रेन्डिङ
