विश्वविद्यालय र स्वास्थ्य शैक्षिक संस्थामा दलीय संरचना हटाउन प्रधानमन्त्री शाहको कडा निर्देशन

चितवन, ०७ बैशाख ।  प्रधानमन्त्री वालेन्द्र शाहले विश्वविद्यालय तथा स्वास्थ्य क्षेत्रका शैक्षिक संस्थाहरूमा रहेका दलीय विद्यार्थी र कर्मचारी सङ्गठनका संरचना तत्काल हटाउन निर्देशन दिएका छन्।

आज प्रधानमन्त्री तथा मन्त्रिपरिषद्को कार्यालयमा देशभरका विश्वविद्यालय र प्रतिष्ठानका उपकुलपतिहरूसँग करिब साढे तीन घण्टा समसामयिक विषयमा छलफल गर्दै उनले संस्थाहरूलाई राजनीतिक प्रभावमुक्त बनाउन जोड दिएका हुन्।

प्रधानमन्त्री शाहले कुनै पनि बहानामा शैक्षिक तथा स्वास्थ्य संस्थामा राजनीति गर्न नहुने स्पष्ट पार्दै दलीय आबद्धता भएका विद्यार्थी र कर्मचारी सङ्गठन हटाउन कानुनी रूपमा कुनै अवरोध नरहेको बताए।

उनले भने, “राजनीतिक दलसँग आबद्ध विद्यार्थी सङ्गठनहरू खारेज गर्न निर्देशन दिएका छौँ। अस्पताल, क्याम्पस र विद्यालय जस्ता संस्थाहरूमा राजनीति होइन, सेवा र शिक्षा हुनुपर्छ। कुनै पनि दलको झण्डा वा प्रभाव राख्न पाइँदैन। राजनीति गर्न चाहनेले आफ्नो पेसागत जिम्मेवारीबाट अलग भएर पूर्ण रूपमा राजनीतिमा लाग्नुपर्छ।”