मोदीले सुरक्षामा प्रयोग हुने सवारी काफिला घटाए, विद्युतीय सवारी प्रयोग गर्न निर्देशन
प्रकाशित मिति: बुधबार, बैशाख ३०, २०८३ | १७:०३:३३
चितवन, ३० बैशाख । भारतीय प्रधानमन्त्री नरेन्द्र मोदीले आफ्नो सुरक्षामा खटिने सवारी काफिलाको संख्या घटाएका छन्।
भारतीय समाचार एजेन्सी एएनआई र पीटीआईका अनुसार मोदीले हालै आफ्नो सुरक्षा सवारी लस्करमा प्रयोग हुने गाडीहरूको संख्या घटाएका हुन्।
यसअघि मध्यपूर्व संकटका कारण विश्वव्यापी आपूर्ति प्रभावित भएपछि उनले भारतीय नागरिकलाई इन्धन बचत गर्न सार्वजनिक यातायात प्रयोग, कारपुलिङ र मितव्ययी जीवनशैली अपनाउन सातबुँदे अपिल गरेका थिए।
त्यसपछि प्रधानमन्त्री मोदीले आफ्नै सवारी काफिलामा पनि कटौती गरेको बताइएको छ। यद्यपि, आलोचकहरूले उनको मितव्ययिता अभियानमाथि प्रश्न उठाउँदै आएका छन्।
पीटीआईका अनुसार हालैका आन्तरिक भ्रमणहरू—हैदराबाद, गुजरात र असम लगायतका कार्यक्रममा—मोदीको सवारी काफिलाको आकार घटाइएको छ। साथै, नयाँ सवारीसाधन खरिद नगरी सम्भव भएसम्म विद्युतीय सवारीसाधन समावेश गर्न पनि निर्देशन दिइएको छ।
प्रकाशित मिति : बुधबार, बैशाख ३०, २०८३ |
१७:०३:३३
111
