सोनमा गाउँपालिकाका प्रमुख प्रशासकीय अधिकृत श्रीदेव यादवविरुद्ध अख्तियारले घुस मुद्दा दायर
प्रकाशित मिति: शुक्रबार, आषाढ ०५, २०८३ | १५:३९:५६
चितवन, ०५ असार । अख्तियार दुरुपयोग अनुसन्धान आयोगले महोत्तरीको सोनमा गाउँपालिकाका प्रमुख प्रशासकीय अधिकृत श्रीदेव यादवविरुद्ध घुस लिएको अभियोगमा विशेष अदालतमा मुद्दा दायर गरेको छ।
सडक ढलान योजनाको काम सम्पन्न भएपछि भुक्तानी दिने क्रममा विभिन्न बहाना बनाई सेवाग्राहीलाई हैरानी पार्दै ७२ हजार रुपैयाँ घुस लिएको आरोप यादवमाथि लागेको छ।
अख्तियारको बर्दिबास कार्यालयबाट खटिएको टोलीले उनलाई सेवाग्राहीबाट घुस लिँदै गरेको अवस्थामा नियन्त्रणमा लिएको थियो। आयोगले यादवविरुद्ध बिगोअनुसार कैद सजायको माग गर्दै मुद्दा दायर गरेको जनाएको छ।
प्रकाशित मिति : शुक्रबार, आषाढ ०५, २०८३ |
१५:३९:५६
177
सम्बन्धित समाचार
समाबेसी ट्रेन्डिङ
