राष्ट्रपति पौडेल र कांग्रेस संसदीय दलका नेता आङ्देम्बेबीच भेट, समसामयिक राजनीति र विपद् व्यवस्थापनबारे छलफल

चितवन, ११ साउन ।  राष्ट्रपति रामचन्द्र पौडेल र प्रमुख प्रतिपक्षी नेपाली कांग्रेस संसदीय दलका नेता भीष्मराज आङ्देम्बेबीच भेटवार्ता भएको छ।

आइतबार बिहान शीतल निवासमा भएको करिब एक घण्टाको भेटमा समसामयिक राजनीतिक अवस्था, संसदीय गतिविधि तथा देशका विभिन्न क्षेत्रमा देखिएका समस्याबारे छलफल भएको आङ्देम्बेको सचिवालयले जनाएको छ।

भेटका क्रममा आङ्देम्बेले देशका विभिन्न स्थानमा गएको बाढीपहिरोबाट प्रभावित नागरिकको उद्धार, राहत र पुनर्स्थापनाका विषयमा राष्ट्रपति पौडेललाई जानकारी गराएका थिए।

राष्ट्रपति पौडेलले राजनीतिक स्थिरताको आवश्यकता औँल्याउँदै संसद्को प्रभावकारिता बढाउन तथा आवश्यक कानुन निर्माणमा ध्यान दिनुपर्नेमा जोड दिएका थिए।

यस्तै, बाढीपहिरो प्रभावित नागरिकको उद्धार, राहत र पुनर्स्थापनाका लागि सबै पक्षबीच समन्वय र सहकार्य आवश्यक रहेको राष्ट्रपति पौडेलले बताएका थिए।