सुर्खेतमा सर्पको डसाइबाट ५८ वर्षीया महिलाको मृत्यु
प्रकाशित मिति: बुधबार, साउन २७, २०८३ | १५:१९:५५
चितवन, २७ साउन । सुर्खेतको चौकुने गाउँपालिका–१० चालिखेकी ५८ वर्षीया देउमा कामीको सर्पको डसाइबाट मृत्यु भएको छ ।
प्रहरीका अनुसार आज बिहान भाँडा माझ्ने क्रममा कामीको दायाँ हातको चोर औँलामा सर्पले डसेको थियो । उपचारका लागि कर्णाली प्रदेश अस्पताल, सुर्खेत पुर्याइएकी उनलाई चिकित्सकले जाँचका क्रममा मृत घोषणा गरेका हुन् ।
जिल्ला प्रहरी कार्यालय सुर्खेतका प्रवक्ता एवं प्रहरी नायब उपरीक्षक कविन्द्रसिंह बोहोराले घटनाबारे जानकारी दिएका छन् । चौकुने गाउँपालिका वीरेन्द्रनगरदेखि करिब ७० किलोमिटर टाढा रहेको छ ।
प्रकाशित मिति : बुधबार, साउन २७, २०८३ |
१५:१९:५५
155
