बलिउड गायिका कनिका कपुरलाई कोरोना,अस्पताल भर्ना
प्रकाशित मिति: शुक्रबार, चैत्र ०७, २०७६ | १६:५६:४१
एजेन्सी,७ चैत्र ।
बलिउडकी चर्चित गायिका कनिका कपुर कोरोना भाइरसबाट संक्रमित भएकी छन् । लखनउको एक अस्पतालमा उनको उपचार भइरहेको भारतीय सञ्चार माध्यमहरूले जनाएका छन् ।
लन्डनबाट भारत आएकी गायिका कनिकामा कोरोना भाइरसको लक्षण देखिएपछि गरिएको स्वास्थ्य परीक्षणपछि उनीमा कोरोना संक्रमित भएको पुष्टि भएको हो ।
मार्च १५ मा लन्डनबाट उत्तर प्रदेशको राजधानी लखनउ आएकी उनले सयभन्दा बढी आफन्त तथा शुभचिन्तकलाई लखनउमा पार्टीसमेत दिएकी थिइन् ।
कनिकाले ‘बेबी डल’, ‘चिटियाँ कलाइयाँ’ जस्ता कैयौं हिट गीत गाएकी छन् ।
प्रकाशित मिति : शुक्रबार, चैत्र ०७, २०७६ |
१६:५६:४१
6733
