एकीकृत समाजवादीले पहिलो महाधिवेशन माघ १४ देखि १८ गतेसम्म गर्ने
प्रकाशित मिति: बिहिबार, भाद्र ०७, २०८० | २०:२९:१२
काठमाडौँ । नेकपा एकीकृत समाजवादीले पार्टीको पहिलो महाधिवेशनको मिति तोकेको छ । पार्टीको बिहीबार सम्पन्न केन्द्रीय समिति बैठकले आगामी माघ १४ देखि १८ गतेसम्म पहिलो महाधिवेशन गर्ने मिति तोकेको उपमहासचिव तथा प्रवक्ता जगन्नाथ खतिवडाले जानकारी दिए ।
प्रवक्ता खतिवडाले हाधिवेशनलाई दशौं महाधिवेशनको संज्ञा दिए । जबकि पार्टी गठन भएपछि पहिलो पटक महाधिवेशन हुन लागेको हो ।त्यस्तै नेकपा एकीकृत समाजवादीले आगामी असोज महिनामा पार्टीको मुद्दाहरु राष्ट्रलाई सुनाउन मेची महाकाली राष्ट्रिय अभियान चलाउने केन्द्रीय समिति बैठकले निर्णय गरेको छ । अभियानको विस्तृत योजना सचिवालयले गर्नेछ ।
प्रकाशित मिति : बिहिबार, भाद्र ०७, २०८० |
२०:२९:१२
1827
