मिटरब्याज पीडितमाथि खुकुरी प्रहार प्रयास गर्नेविरुद्ध अभद्र व्यवहारको मुद्दा

सिराहा । मिटरब्याज पीडितलाई खुकुरी प्रहार प्रयास गरेको आरोपमा सिराहा प्रहरीले अभद्र व्यबहार मुद्दा दर्ता गरेको छ । सिराहाको कल्याणपुर नगरपालिका-८ अरङ टोलका ६५ वर्षीय रामनारायण सिंहमाथि इलाका प्रहरी कार्यालय मिर्चैयाले अभद्र व्यवहारको मुद्दा दर्ता गरेको हो ।

सिंहले गत सोमबार आफ्ना छिमेक मिटरब्याज पीडित सञ्जयकुमार कामतीमाथि खुकुरी प्रहारकाे प्रयास गरेका थिए । उक्त भिडियाे सामाजिक सञ्जालमा भाइरल बनेपछि प्रहरीले मंगलबार साहलाई नियन्त्रणमा लिएको हो ।

तर, पीडितले उजुरी नदिंदा उनलाई त्यसदिन साँझ जमानतमा छाडिएको थियो । पीडितले जाहेरी दिएपछि बुधबार पुनः उनलाई पक्राउ गरेको डिएसपी जितेन्द्र बस्नेतले जानकारी दिए । पीडित संजयले बुद्धबादर इलाका प्रहरी कार्यालयमा सिंहविरुद्ध दिएको अभद्र व्यबहार जाहेरी दर्ता भएको डिएसपी जितेन्द्र बस्नेतले जानकारी दिए ।