आफताब आलमको मुद्दामा आज सुनुवाइ हुँदै
प्रकाशित मिति: आइतबार, पौष २९, २०८० | ११:५९:३२
काठमाडौं । नेपाली काँग्रेसका नेता तथा पूर्वमन्त्री मोहम्मद आफताब आलमको मुद्दा सुनुवाइका लागि आज (आइतबार)लाई पेसी छ । रौतहटको इँटा भट्टामा जिउँदै मानिस जलाएर मारेको अभियोगमा जिल्ला अदालत र उच्च अदालतले आलमलाई पुर्पक्षका लागि थुनामा पठाउने आदेश दिएको थियो । सो आदेशविरुद्ध आलमले सर्वोच्च अदालतमा निवेदन दिएका थिए ।
सर्वोच्चका न्यायाधीशद्वय प्रकाशमानसिंह राउन र प्रकाशकुमार ढुंगानाको संयुक्त इजलासमा उक्त मुद्दाको पेसी तोकिएको हो । यसअघि गत कात्तिक २२ गते न्यायाधीश बाबुकाजी बानियाँको इजलासले बहस नोट माग गर्ने आदेश दिएको थियो । अदालतको आदेश बमोजिम मंसिर २४ वादी र प्रतिवादी तर्फका कानुन व्यवसायीले बहस नोट बुझाए पनि सुनुवाइको पेसी तोकिएको थिएन ।
प्रकाशित मिति : आइतबार, पौष २९, २०८० |
११:५९:३२
1827
