सिन्धुपाल्चोकमा जन्ती बोकेको बस दुर्घटना, ३ जनाको मृत्यु
प्रकाशित मिति: शुक्रबार, बैशाख ०७, २०८१ | १०:२१:३०
काठमाडौं । सिन्धुपाल्चोकमा जन्ती बाेकेकाे बस दुर्घटना हुँदा ३ जनाको मृत्यु भएको छ । जिल्लाको त्रिपुरा सुन्दरी गाउँपालिका वडा नम्बर ५ धारावतीमा बस दुर्घटना हुँदा तीन जनाको घटनास्थलमै मृत्यु भएको हो। दुर्घटनामा ५२ जना घाइते भएका छन् । दोलखाबाट सिन्धुपाल्चोकको पिस्कर जाँदै गरेको बा ४ ख ५६१६ नम्बरको बस आज बिहान सात बजेर २० मिनेटमा दुर्घटना भएको थियो ।
दुर्घटनामा मृत्यु भएकाहरुको सनाखत हुन बाँकी रहेको जिल्ला प्रहरी कार्यालय सिन्धुपाल्चोकले जनाएको छ । घाइतेहरुलाई उपचारका लागि अस्पताल लगिँदै छ ।
प्रकाशित मिति : शुक्रबार, बैशाख ०७, २०८१ |
१०:२१:३०
1937
