नवलपरासीमा ट्रक र माइक्रो बस ठोक्कियो
प्रकाशित मिति: शुक्रबार, पौष ०५, २०८१ | २२:४८:२७
चितवन, ०५ पौष । पूर्वपश्चिम राजमार्ग अन्तर्गत पश्चिम नवलपरासीको सुनवलमा ट्रक र माइक्रो बस एकआपसमा ठोकिँदा २२ जना घाइते भएका छन् भने ७ जना गम्भीर घाइते भएका छन् ।
सुनवल नगरपालिका–७ स्थित अलकत्रे डाँडामा बर्दघाटबाट बुटवल जाँदै गरेको लु १ ख ९४६७ नम्बरको माइक्रो बस र सुदूरपश्चिम प्रदेश ०१–००१ ख २४४२ नम्बरको ट्रक एकआपसमा ठोकिँदा दुर्घटना भएको जिल्ला प्रहरी कार्यालयले जनाएको छ ।
साइकल यात्रीलाई ठक्कर दिएपछि अनियन्त्रित भएको माइक्रो बस ट्रकसँग ठोक्किएर दुर्घटना भएको प्रहरीले जनाएको छ । घाइतेमध्ये ७ जना गम्भीर रहेको र उपचारको लागि रुपन्देहीको भलुही मेडिकल कलेज लगिएको इलाका प्रहरी कार्यालय सुनवलका प्रहरी निरीक्षक सन्तोष पौडेलले जानकारी दिए ।
प्रकाशित मिति : शुक्रबार, पौष ०५, २०८१ |
२२:४८:२७
639
