रि-रिलिजकाे १० दिनमा ‘सनम तेरी कसम’ ले कति कमायाे ?
चितवन, ०५ फागुन । सन् २०१६ मा रिलिज भएको रोमान्टिक फिल्म ‘सनम तेरी कसम’ ले दर्शकको मनमा विशेष स्थान बनाएको छ । विशेषगरी युवा वर्गमा यो चलचित्र निकै लोकप्रिय छ । निर्देशक राधिका राव र विनय सप्रुले प्रेमकथालाई फिल्ममा निकै सुन्दर ढंगले प्रस्तुत गरेका छन् ।
यद्यपि फिल्मले २०१६ मा बक्स अफिसमा धेरै सफलता हासिल गर्न सकेन ।
हालै पुनः रिलिज गरिएको ‘सनम तेरी कसम’ ले दर्शकको भरपुर माया पाइरहेकाे छ ।
रिपोर्ट अनुसार फिल्मले दशौं दिन आइतबार १.६० करोड भारु कमाएको छ । अहिलेसम्म फिल्मको पुनः रिलिजकाे कुल कमाई ३० करोड ३५ लाख पुगेको छ ।
भ्यालेण्टाइनकाे अवसर पारेर फेब्रअरी ७ मा रिलिज भएकाे फिल्मले पहिलो दिन ४ करोड, दोस्रो दिन ५.२५ करोड, तेस्रो दिन ५.७५ करोड, चौथो दिन ३.१५ करोड र पाँचौं दिन २.८५ करोड भारु कलेक्शन गरेकाे थियाे ।
यस्तै फिल्मले छैठौं दिन २.७५ करोड, सातौं दिन २.४० करोड, आठौं दिन १.२५ करोड र ९ औं दिन १.५० करोड भारु कमाएकाे थियाे।
चलचित्रका गीत तेरा चेहरा, बेवजाह, हाल-ए-दिल, खिच मेरी फोटो दर्शकमाझ निकै लोकप्रिय छन् ।
