पदक विजेता भेट्रान खेलाडी सम्मानित
प्रकाशित मिति: आइतबार, चैत्र १७, २०८१ | १८:२९:३०
चितवन, १७ चैत । नेपाल मास्टर्स एथलिट सङ्घले खुला अन्तराष्ट्रिय एथलेटिक्स प्रतियोगिताको विभिन्न उमेर समूहका पदक विजेता भेट्रान खेलाडीलाई आइतबार सम्मान गरेको छ ।
थाइल्यान्डको च्याङराईमा फेब्रुअरी १३ देखि १६ तारिखसम्म भएको प्रतियोगितामा नेपालले एक रजत र दुई कास्य पदक जितेको थियो ।
कृष्णप्रसाद सिग्देलले पुरुष ५५–६० वर्ष उमेर समूहतर्फ लङजम्पमा रजत जितेका थिए । पुरुष ८०–८५ वर्ष समूहको एक हजार ५०० मिटर दौडमा ग्रिवानविक्रम शाह तथा ५५–६० वर्ष उमेर समूहको पाँच हजार मिटर दौडमा सुनिल शाक्यले कास्य जितेका थिए ।
उनीहरूलाई राष्ट्रिय खेलकुद परिषद्का सदस्य–सचिव टङ्कलाल घिसिङ र नेपाल मास्टर्स एथलिट सङ्घका अध्यक्ष जिएन दाइ शर्माले प्रशंसापत्रसहित सम्मान गरे ।
प्रकाशित मिति : आइतबार, चैत्र १७, २०८१ |
१८:२९:३०
1321
सम्बन्धित समाचार
समाबेसी ट्रेन्डिङ
