मन्त्रीलाई आइफोन दिने हल्ला भ्रामक : सञ्चारमन्त्री डा. विक्रम तिमिल्सिना
प्रकाशित मिति: आइतबार, बैशाख ०६, २०८३ | ९:३०:४०
चितवन, ०६ बैशाख । सञ्चार तथा सूचना प्रविधि मन्त्री डॉ. विक्रम तिमिल्सिना ले सरकारले मन्त्रीहरूलाई आइफोन वितरण गर्न लागेको भन्ने समाचार पूर्ण रूपमा भ्रामक रहेको बताएका छन्।
सामाजिक सञ्जालमार्फत प्रतिक्रिया दिँदै उनले यस्तो कुरा कसैको कल्पनामा आधारित अफवाह मात्र भएको स्पष्ट पारे। साथै, यस्तो हल्ला कसरी फैलियो भन्ने विषयमा समेत उनले आश्चर्य व्यक्त गरेका छन्।
उनले भनेका छन्,
“कसको कल्पनामा किन निर्माण भयो ? यस्ता कुरा साझा गर्नुअघि यसको स्रोत र विश्वसनीयता सुनिश्चित गर्नुहोला।”
मन्त्री तिमिल्सिनाले सरकार नागरिकको हित र उज्ज्वल भविष्य निर्माणमा केन्द्रित रहेको उल्लेख गर्दै जनताको करको दुरुपयोग गर्ने कुनै पनि उद्देश्य नरहेको बताए।
“जनताको हरेक रुपैयाँको मूल्य हामीले अनुभूत गरेका छौँ,” उनले जोड दिएका छन्।
प्रकाशित मिति : आइतबार, बैशाख ०६, २०८३ |
९:३०:४०
309
