मानव बेचबिखन र अपाङ्गता सम्बन्धी ऐन संशोधन मस्यौदामा सुझाव आह्वान
प्रकाशित मिति: आइतबार, बैशाख ०६, २०८३ | १५:१९:४७
काठमाडौंमा महिला, बालबालिका तथा ज्येष्ठ नागरिक मन्त्रालयले दुई महत्वपूर्ण ऐन संशोधनका मस्यौदामा सुझाव माग गरेको छ।
मन्त्रालयले मानव बेचबिखन तथा ओसारपसार (नियन्त्रण) ऐन, २०६४ र अपाङ्गता भएका व्यक्तिको अधिकारसम्बन्धी ऐन, २०७४ संशोधन गर्न तयार पारिएको विधेयकको मस्यौदा सार्वजनिक गर्दै सरोकारवालासहित सर्वसाधारणलाई राय–सुझाव दिन आह्वान गरेको हो।
यी ऐनहरूलाई अझ प्रभावकारी र समयानुकूल बनाउन विभिन्न नयाँ प्रावधान समेटिएको मन्त्रालयले जनाएको छ। मस्यौदामा व्यापक सहभागिता सुनिश्चित गर्न इच्छुक सबैले यही साताभित्र आफ्नो प्रतिक्रिया पठाउन सक्ने व्यवस्था गरिएको छ।
मन्त्रालयका अनुसार प्राप्त सुझावका आधारमा विधेयकलाई थप परिमार्जन गरी अन्तिम रूप दिइनेछ।
प्रकाशित मिति : आइतबार, बैशाख ०६, २०८३ |
१५:१९:४७
1
