आकस्मिक समयलाई थप व्यवस्थित बनाइने सभामुख अर्यालको घोषणा
प्रकाशित मिति: बिहिबार, जेठ ०७, २०८३ | १३:०१:४७
चितवन, ०७ जेठ । सभामुख डोलप्रसाद अर्यालले प्रतिनिधिसभाको ‘आकस्मिक समय’लाई थप व्यवस्थित बनाउन कार्यव्यवस्था परामर्श समितिमा छलफल गरिने बताएका छन् ।
आजको प्रतिनिधिसभा बैठकमा केही सांसदले समसामयिक विषयमा धारणा राखेपछि शून्य समय सुरु गर्न लाग्दा थप सांसदहरू बोल्न आसनबाट उठेका थिए । त्यसक्रममा सभामुख अर्यालले सांसदहरूलाई बस्न आग्रह गरेका थिए ।
सांसदहरू राजेन्द्रकुमार राई, बलावती शर्मालगायतले बोल्न खोजेपछि सभामुखले आकस्मिक समयको संसदीय अभ्यासबारे स्पष्ट पारे । उनले अघिल्लो बैठक सकिएदेखि हालसम्म मुलुकमा जनजीवनसँग सम्बन्धित अत्यन्त महत्वपूर्ण विषयमा मात्रै उक्त समयमा बोल्न समय माग्न र दिन सकिने बताए ।
सभामुख अर्यालले टिपाइएका विषय संवेदनशील वा उपयुक्त नदेखिएमा समय नदिने अधिकार सभामुखसँग रहने पनि स्पष्ट पारे ।
प्रकाशित मिति : बिहिबार, जेठ ०७, २०८३ |
१३:०१:४७
397
