प्रतिपक्षको अवरोधबीच प्रतिनिधिसभा बैठक अघि बढ्यो, सरकारको विधेयक पेस
प्रकाशित मिति: बिहिबार, जेठ ०७, २०८३ | १७:३५:१२
चितवन, ०७ जेठ । प्रतिपक्षी दलहरूको निरन्तर विरोधका बीच सभामुख डिपी अर्यालले प्रतिनिधिसभा बैठक सञ्चालन अघि बढाएका छन्।
प्रधानमन्त्रीसँग प्रश्नोत्तर कार्यक्रमको माग गर्दै विपक्षी सांसदहरूले नाराबाजी र अवरोध गरेपछि बैठक १५ मिनेटका लागि स्थगित गरिएको थियो। त्यसपछि सभामुख अर्याल सिंहदरबार पुगेर प्रधानमन्त्री बालेन्द्र शाहसँग छलफल गरेका थिए।
प्रधानमन्त्रीसँगको भेटपछि पुनः सुरु भएको दोस्रो बैठकमा पनि विपक्षीको अवरोध कायमै रह्यो। त्यसबीच सभामुखले प्रधानमन्त्रीको तर्फबाट कानूनमन्त्री सोविता गौतमलाई प्रतिनिधिसभा निर्वाचन पहिलो संशोधन विधेयक विचारार्थ पेश गर्न समय दिएका थिए।
हाल पनि विपक्षी सांसदहरूले वेल घेराउ गर्दै नाराबाजी जारी राखेका छन्।
प्रकाशित मिति : बिहिबार, जेठ ०७, २०८३ |
१७:३५:१२
199
