आज सार्वजनिक हुँदै २०८३/८४ को बजेट, २२ खर्बभन्दा बढीको आकार अनुमान
प्रकाशित मिति: शुक्रबार, जेठ १५, २०८३ | ९:१२:१९
चितवन, १५ जेठ । सरकारले आगामी आर्थिक वर्ष २०८३/८४ को बजेट आज सार्वजनिक गर्दैछ ।
अर्थमन्त्री डा. स्वर्णिम वाग्लेले संघीय संसद्को संयुक्त बैठकमा अपराह्न ४ बजे आयव्ययको अनुमानित विवरण प्रस्तुत गर्ने कार्यक्रम रहेको छ ।
सरकारले यस वर्षको बजेटलाई आर्थिक रूपान्तरणको आधार बनाउने तयारी गरेको जनाएको छ । बजेटमार्फत दिगो आर्थिक सुशासन, कर प्रणाली सुधार, लगानी प्रवर्द्धन तथा रोकिएका राष्ट्रिय गौरवका आयोजना तीव्र गतिमा सम्पन्न गर्ने कार्यक्रम समेटिने बताइएको छ ।
त्यस्तै निजामती कर्मचारीको न्यूनतम १५ प्रतिशत तलब वृद्धि, व्यक्तिगत आयकरको सीमा विस्तार तथा कमजोर सार्वजनिक संस्थान खारेजीको घोषणा पनि बजेटमा समावेश हुने सम्भावना छ ।
यस पटक बजेटको आकार २२ खर्ब रुपैयाँ आसपास पुग्ने अनुमान गरिएको छ । सरकारले आगामी सात वर्षभित्र नेपाललाई १०० अर्ब डलरको अर्थतन्त्र बनाउने लक्ष्यसमेत अघि सारेको छ ।
प्रकाशित मिति : शुक्रबार, जेठ १५, २०८३ |
९:१२:१९
67
