प्रधानमन्त्रीको संसद उपस्थितिलाई केसीको स्वागत, नियमावली पालना गर्न आग्रह

चितवन, १७ जेठ । नेपाली कांग्रेसका सांसद अर्जुननरसिंह केसीले प्रधानमन्त्री बालेन्द्र (बालेन) शाह संसदमा उपस्थित भएर सांसदका प्रश्नको जवाफ दिन तयार हुनु सकारात्मक कदम भएको बताएका छन्।

आइतबारको प्रतिनिधिसभा बैठकमा प्रधानमन्त्री शाहले रोष्ट्रममा पुगेर सांसदहरूलाई प्रश्न गर्न आग्रह गरेपछि केही सांसदले नियमावलीविपरीत भएको भन्दै आपत्ति जनाएका थिए। त्यसक्रममा बोल्दै सांसद केसीले संसद्को स्थापित प्रक्रिया र नियमावलीलाई निरन्तरता दिनुपर्ने धारणा राखे।

उनले प्रधानमन्त्रीको उपस्थितिलाई स्वागतयोग्य बताउँदै भने, “प्रधानमन्त्री नाटकीय ढंगले जवाफ दिन उपस्थित हुनुभएको छ। यस्तो अभ्यास अन्य देशमा पनि छ। तर, नियमावलीअनुसारको प्रक्रियालाई निरन्तरता दिनुपर्छ।”

केसीले कानुनी शासनको महत्व स्मरण गराउँदै सत्ताको स्वार्थअनुकूल कानुन निर्माण गर्ने प्रवृत्तिबाट सचेत रहन प्रधानमन्त्रीलाई आग्रह गरे। उनले लोकतान्त्रिक मूल्य र दायित्वलाई प्राथमिकतामा राख्नुपर्ने उल्लेख गरे।

जवाफमा प्रधानमन्त्री शाहले मानवअधिकार आयोगसहित सबै संवैधानिक आयोगका प्रतिवेदन अध्ययन गरी आवश्यक कामकारबाही अघि बढाइने बताए।