पासपोर्ट छपाइ प्रकरणमा आरजु राणा अख्तियारमा बयानका लागि बोलाइन्
प्रकाशित मिति: बिहिबार, आषाढ ०४, २०८३ | १६:३५:४५
चितवन, ०४ असार । पासपोर्ट छपाइ खरिद प्रक्रियामा अनियमितता भएको आरोपसँग सम्बन्धित उजुरीमाथि अनुसन्धान गरिरहेको अख्तियार दुरुपयोग अनुसन्धान आयोगले तत्कालीन परराष्ट्रमन्त्री आरजु राणा देउवालाई बयानका लागि बोलाएको छ।
अख्तियारको टोलीले दुई दिनअघि बूढानीलकण्ठस्थित राणाको निवासमा पुगेर म्याद टाँसेको हो। सूचनामा बाटोको म्यादबाहेक तीन दिनभित्र आयोगको टंगालस्थित कार्यालयमा उपस्थित भएर बयान दिन भनिएको छ।
पासपोर्ट छपाइ ठेक्का प्रक्रियामा राणाको संलग्नता रहेको दाबी गर्दै परेको उजुरीका आधारमा अख्तियारले प्रारम्भिक अनुसन्धान अघि बढाएको जनाएको छ। आयोगले सोही अनुसन्धानका क्रममा राणालाई बयानका लागि बोलाएको हो।
प्रकाशित मिति : बिहिबार, आषाढ ०४, २०८३ |
१६:३५:४५
375
