कोरोना कहरः इटालीमा एकैदिन ७ सय ४३ को मृत्यु
प्रकाशित मिति: बुधबार, चैत्र १२, २०७६ | १६:४२:४५
एजेन्सी,१२ चैत ।
कोरोना भाइरसको संक्रमणका इटालीमा एकैदिन ७ सय ४३ को मृत्यु भएको छ ।
मंगलबारमात्रै इटलीमा ७ सय ४३ जनाको मृत्यु भएको बीबीसीले जनाएको छ । यो संख्या सोमबारको मृतकको संख्या भन्दा १ सय ४१ ले बढी हो ।
मंगलबार अघि सोमबार र आइतबार कोरोना सक्रमणबाट मृत्यु हुनेको संख्या केही कम थियो । तर एक्कासि मंगलबार मृतकको संख्या बढ्न गएको हो ।
कोरोना भाइरसका कारण इटालीमा हालसम्म ६ हजार ८ सय २० जनाको मृत्यु भइसकेको छ ।
कोरोना भाइरसको संक्रमाण चीनबाट सुरु भएको भएपनि यसको संक्रमणबाट मृत्यु हुनेको संख्यामा इटली पहिलो भएको छ ।
संक्रमण रोक्नका लागि लामो समयदेखि इटाली लकडाउन छ तर पनि स्थिति नियन्त्रणमा आउन सकेको छैन् ।
प्रकाशित मिति : बुधबार, चैत्र १२, २०७६ |
१६:४२:४५
4269
