सिराहामा खेतमै गोली हानी हत्या, ४१ वर्षीय पुरुषको मृत्यु
प्रकाशित मिति: शुक्रबार, माघ १६, २०८२ | १८:१७:२०
चितवन, १६ माघ । सिराहामा गोली प्रहारबाट एक पुरुषको हत्या भएको छ । शुक्रबार दिउँसो करिब साढे ३ बजे सिराहा नगरपालिका–७ स्थित आफ्नै खेतबारीमा ४१ वर्षीय प्रेमनाथ यादवमाथि गोली प्रहार भएको हो ।
घटनामा गम्भीर घाइते भएका यादवको घटनास्थलमै मृत्यु भएको प्रहरीले जनाएको छ । घटनापछि जिल्ला प्रहरी कार्यालय सिराहाका प्रहरी उपरीक्षक (एसपी) बासुदेव पाठकको कमाण्डमा खटिएको टोलीले घटनास्थल पुगेर अनुसन्धान सुरु गरेको छ ।
हत्याको कारण र संलग्न व्यक्तिको पहिचान खुल्न बाँकी रहेको प्रहरीले जनाएको छ । घटनाबारे थप अनुसन्धान जारी रहेको प्रहरीको भनाइ छ ।
प्रकाशित मिति : शुक्रबार, माघ १६, २०८२ |
१८:१७:२०
331
