इरान–अमेरिका युद्धविराम विस्तारलाई संयुक्त राष्ट्रसंघद्वारा स्वागत
प्रकाशित मिति: बुधबार, बैशाख ०९, २०८३ | १८:५९:५४
चितवन, ०९ बैशाख । संयुक्त राष्ट्रसङ्घका महासचिव एन्टोनियो गुटेरेसले इरानसँगको युद्धविरामको म्याद थप गर्ने अमेरिकाको घोषणालाई स्वागत गरेका छन्।
महासचिवका प्रवक्ता स्टेफन डुजारिकले युद्धविराम विस्तारले इरान र अमेरिकाबीच कूटनीतिक विश्वास निर्माणका लागि महत्वपूर्ण अवसर सिर्जना गर्ने बताएका छन्।
उनले सम्बन्धित पक्षलाई युद्धविरामलाई कमजोर पार्ने कुनै पनि गतिविधिबाट टाढा रहन र दीर्घकालीन समाधानका लागि रचनात्मक वार्तामा संलग्न हुन आग्रह गरेका छन्।
डुजारिकले वार्ता सहज बनाउन पाकिस्तानले गरेको प्रयासप्रति महासचिवको पूर्ण समर्थन रहेको उल्लेख गर्दै यसले द्वन्द्वको स्थायी समाधानतर्फ अघि बढ्न मद्दत गर्ने आशा व्यक्त गरेका छन्।
अमेरिकी राष्ट्रपति डोनाल्ड ट्रम्पले इरानले स्थायी रूपमा द्वन्द्व अन्त्य गर्ने प्रस्ताव नदिएसम्म युद्धविराम विस्तार गर्ने संकेत दिएका छन्।
प्रकाशित मिति : बुधबार, बैशाख ०९, २०८३ |
१८:५९:५४
89
