स्थानीय बजारमा सुनको मूल्य घट्यो
प्रकाशित मिति: आइतबार, बैशाख २७, २०८३ | १३:२७:३०
चितवन, २७ बैशाख । स्थानीय बजारमा आज सुनचाँदीको मूल्यमा सामान्य परिवर्तन देखिएको छ । गत शुक्रबारको तुलनामा सुनको मूल्य घटेको छ भने चाँदीको मूल्यमा भने वृद्धि भएको छ ।
नेपाल सुनचाँदी व्यवसायी महासङ्घ का अनुसार आज छापावाल सुन प्रतितोला रु दुई लाख ९८ हजार ९०० मा कारोबार भइरहेको छ । यो मूल्य गत शुक्रबारको तुलनामा रु एक हजार कम हो । शुक्रबार छापावाल सुन प्रतितोला रु दुई लाख ९९ हजार ९०० मा कारोबार भएको थियो ।
यस्तै, चाँदीको मूल्य भने प्रतितोला रु २५ ले बढेर रु पाँच हजार ३०० पुगेको छ । गत शुक्रबार चाँदी प्रतितोला रु पाँच हजार २७५ मा खरिदबिक्री भएको थियो ।
अन्तरराष्ट्रिय बजारमा पनि सुनचाँदीको कारोबार जारी रहेको छ । अन्तरराष्ट्रिय सञ्चारमाध्यमका अनुसार आज एक औँस सुन चार हजार ७१५ अमेरिकी डलरमा कारोबार भइरहेको छ भने चाँदीको मूल्य ८० अमेरिकी डलर कायम भएको छ ।
प्रकाशित मिति : आइतबार, बैशाख २७, २०८३ |
१३:२७:३०
45
