परराष्ट्रमन्त्री खनालको आग्रह : अल्पकालीन राजनीति होइन, दीर्घकालीन विकासमा केन्द्रित बनौँ

चितवन, ०३ जेठ । शिशिर खनाल ले स्थानीय सरकारलाई दीर्घकालीन सोचका साथ विकास योजना अघि बढाउन आग्रह गरेका छन् ।

टोखा नगरपालिकाद्वारा आयोजित आगामी आर्थिक वर्षको नीति तथा कार्यक्रमसम्बन्धी छलफल कार्यक्रममा उनले अब राजनीतिक फाइदाभन्दा नागरिकले दीर्घकालसम्म लाभ पाउने योजनामा केन्द्रित हुनुपर्ने बताएका हुन् ।

उनले टोखालाई व्यवस्थित, आधुनिक र पर्यटनमैत्री सहरका रूपमा विकास गर्नुपर्ने आवश्यकता औँल्याए ।

ऐतिहासिक नेवारी संस्कृति, शनिबार लाग्ने बजार र स्थानीय सम्पदालाई संरक्षण गर्दै पर्यटन प्रवर्द्धन गर्न सकिने उनको भनाइ थियो ।

मन्त्री खनालले टोखा–छहरे सुरुङमार्ग विस्तारका क्रममा स्थानीय बस्तीमा असर पर्न सक्ने भएकाले वैकल्पिक योजना आवश्यक रहेको बताए । उनका अनुसार साङ्ला र विष्णुमती करिडोरलाई अन्तरराष्ट्रिय स्तरको सडकका रूपमा विकास गर्न सकिन्छ ।

कार्यक्रममा हरिप्रभा खड्गी श्रेष्ठ ले जनताको अपेक्षाअनुसार नीति तथा कार्यक्रम बनाउनुपर्ने बताइन् । पूर्वमन्त्री वंशीधर मिश्र ले संविधानले दिएको अधिकार प्रयोग गर्दै स्थानीय सरकारले कानुन निर्माण र कार्यान्वयनमा सक्रिय हुनुपर्ने धारणा राखे ।