सप्तरीमा १०५ ग्रामभन्दा बढी खैरो हेरोइनसहित ६२ वर्षीय पुरुष पक्राउ
प्रकाशित मिति: मंगलबार, आषाढ १६, २०८३ | १७:३३:०२
चितवन, १६ असार । सप्तरीको बोदेबर्साइन नगरपालिका–२ बाट प्रहरीले १०५ ग्रामभन्दा बढी खैरो हेरोइनसहित एक जनालाई पक्राउ गरेको छ।
पक्राउ पर्नेमा खडक नगरपालिका–५ खोजपुरका ६२ वर्षीय अमिन चौधरी रहेका छन्।
जिल्ला प्रहरी कार्यालय सप्तरीका अनुसार मधेस प्रदेश–०१–००५ प २८८३ नम्बरको सुपर स्प्लेन्डर मोटरसाइकलको टुलबक्समा लुकाएर ल्याएको अवस्थामा १०३ ग्राम ७५० मिलिग्राम खैरो हेरोइन बरामद गरिएको हो। चेकजाँचका क्रममा चौधरीको साथबाट थप १ ग्राम ४८० मिलिग्राम खैरो हेरोइन पनि फेला परेको प्रहरीले जनाएको छ।
इलाका प्रहरी कार्यालय कडरबोनाका प्रहरी निरीक्षक श्याममणि पोखरेलको नेतृत्वमा खटिएको टोलीले विष्णुपुर–बोदेबर्साइन सडकखण्डबाट चौधरीलाई पक्राउ गरेको हो। घटनाबारे इलाका प्रहरी कार्यालय कडरबोनाले थप अनुसन्धान गरिरहेको छ।
प्रकाशित मिति : मंगलबार, आषाढ १६, २०८३ |
१७:३३:०२
1673
