सशस्त्रले रातको २ बजे बाग्मती नदि बाट गर्‍यो एक ब्यक्तिको उद्दार

काठमाडौं । सशस्त्र प्रहरी बलले बाग्मती नदिबाट एक ब्यक्तिको सकुशल उद्दार गरेको छ । काठमाडौको दक्षिणकाली नगरपालिका- ८ कटुवाल दह स्थित बाग्मती नदि किनारबाट शसस्त्रले ४० वर्षका रामबहादुर लामाको उद्दार गरेको हो । दक्षिणकाली– ८ सिम्पानी राई टोल बस्ने ४० बर्षीय लामाको गएराती २ बजेको समयमा उद्दार गरिएको सशस्त्र प्रहरी नायब उपरीक्षक सहायक प्रवक्ता शैलेन्द्र थापाले जानकारी दिए ।

पानीको बहाब कम भएको बेला नदि पारी गएका लामा बहाब बढेसंगै वारि आउन नसकी नदि किनारको पहरामा फसेका थिए । सो बारे खबर प्राप्त भएलगत्तै सशस्त्र प्रहरी बल नेपाल नं. २० बिपद् उद्दार उपत्यका गणबाट गिताखोर सहितको ९ जना र सशस्त्र प्रहरी बल नेपाल नं. १८ निलबाराही गण किर्तिपुरबाट गएको १५ जना सहितको सुरक्षाफौजले रातको समयमा उनको सकुसल उद्दार गरेको सहायक प्रवक्ता थापाले जानकारी दिए । मोटरबोट सहित गएको फौजले रोप रेस्क्यु र अन्य बिधिको प्रयोग गरि उद्दार गरेको हो । उद्दारपछि लामालाइ आफन्तको जिम्मा लगाइएको छ ।