टिभीभित्र सुन लुकाएर ल्याएका धामी पक्राउ
प्रकाशित मिति: सोमबार, आश्विन २२, २०८० | २०:२८:०२
काठमाडौं । टेलिभिजनभित्र सुन लुकाएर ल्याउने सिन्धुलीका नवराज धामी त्रिभुवन अन्तर्राष्ट्रिय विमानस्थलबाट पक्राउ परेका छन् ।मलेसियाबाट मलेसियन एयरलाइन्समार्फत काठमाडौं आएका धामी ५१० ग्राम अवैध सुनसहित पक्राउ परेका भन्सार कार्यालयका प्रमुख डा. टोकराज पाण्डले जानकारी दिए । सोमबार दिउँसो त्रिभुवन अन्तर्राष्ट्रिय विमानस्थल भन्सार कार्यालयमा सुरक्षा जाँचका क्रममा धामी पक्राउ परेका हुन् । अवैध सुन टिभीभित्र लुकाएर ल्याएका धामीमाथि अनुसन्धान जारी रहेको डा. पाण्डेले बताए ।
प्रकाशित मिति : सोमबार, आश्विन २२, २०८० |
२०:२८:०२
4401
