कैलालीमा ट्रकको ठक्करबाट एक जना पैदल यात्रीको मृत्यु
प्रकाशित मिति: शनिबार, मंसिर ०२, २०८० | ९:१३:४१
धनगढी । कैलालीको अत्तरियामा ट्रकले ठक्कर दिंदा एक जना पैदल यात्रीको मृत्यु भएको छ । शुक्रबार साँझ धनगढीबाट अत्तरियातर्फ गईरहेको मप्र ०३ ०१ ख ९६५० ट्रकको ठक्करबाट डोटीको शिखर नगरपालिका-२ बस्ने ६० वर्षीय भगवती रोस्याराको मृत्यु भएको प्रहरीले जनाएको छ । ट्रकको ठक्करबाट गम्भीर घाइते भएकी रोस्याराको उपचारका क्रममा राति सेती प्रादेशिक अस्पतालमा मृत्यु भएको हो ।
ट्रक र चालक डडेल्धुराको अजयमेरू गाउँपालिका-१ का ३४ वर्षीय नरेश भण्डारीलाई इलाका प्रहरी कार्यालय मालाखेतीले नियन्त्रणमा लिएको छ । उनी डोटीमा कटी दिदीको नामले परिचित थिइन ।
प्रकाशित मिति : शनिबार, मंसिर ०२, २०८० |
९:१३:४१
3279
