विराटनगर आगलागी : एक जनाको मृत्यु, दुईको अवस्था गम्भीर
प्रकाशित मिति: बुधबार, मंसिर २०, २०८० | १७:०१:१३
विराटनगर । मोरङको विराटनगरस्थित सातघुम्तीमा रहेको एक कवाडी गोदाममा आज दिउँसो भएको आगलागीमा परी एक जनाको मृत्यु भएको छ । आगलागीमा परेर घाइते भई न्युरो अस्पतालमा उपचार गराइरहेका चार जनामध्ये विराटनगर ७ का ३० वर्षीय दिपक मण्डलको मृत्यु भएको हो । मृतक र घाइते कवाडी गोदामकै कामदार हुन् ।
यस्तै ४ जना घाइते भएका छन् । प्रहरीका अनुसार घाइते चारमध्ये दुई जनाको अवस्था गम्भीर छ । विराटनगरको सात घुम्ती चोकमा रहेको कवाडी गोदाममा आज दिउँसो एक्कासी आगलागी भएको थियो । आगलागीको कारण पनि खुलिसकेको छैन ।
प्रकाशित मिति : बुधबार, मंसिर २०, २०८० |
१७:०१:१३
2707
