बारामा ट्यांकरको ठक्करबाट प्रहरी जवानको मृत्यु
प्रकाशित मिति: मंगलबार, बैशाख ०४, २०८१ | १२:०८:५७
काठमाडौं । बारामा ट्यांकरको ठक्करबाट प्रहरी जवानको मृत्यु भएको छ । जिल्लाको जितपुर सिमरा उपमहानगरपालिकामा तेल ट्यांकरले मोटरसाइकलमा ठक्कर दिँदा प्रहरी जवानको मृत्यु भएको हो । मृत्यु हुनेमा जिल्ला प्रहरी कार्यालय पर्सामा कार्यरत प्रहरी जवान २९ वर्षीय दिनेश परियार रहेका छन् । सोमबार राति १० बजेर ४० मिनेटको समयमा परियार चढेको ग १४ प ५९७२ नम्बरको मोटरसाइकललाई सोही दिशातर्फ जाँदै गरेको ना ७ ख ३०२६ नम्बरको ट्याङ्करले जितपुर सिमरा उपमहानगरपालिका–२ सञ्चार नजिक पछाडिबाट ठक्कर दिएको थियो।
ठक्कर बाट घाईते भएका उनको उपचारको क्रममा परवानीपुरस्थित एल.एस. न्युरो हस्पिटलमा राति १ बजेर २२ मिनेटमा मृत्यु भएको जिल्ला प्रहरी कार्यालय बाराले जनाएको छ ।
प्रकाशित मिति : मंगलबार, बैशाख ०४, २०८१ |
१२:०८:५७
2597
सम्बन्धित समाचार
समाबेसी ट्रेन्डिङ
