ललितपुरमा मोटरसाइकल र स्कुटर जुध्दा दुवै चालकको मृत्यु
प्रकाशित मिति: शनिबार, जेठ १९, २०८१ | १४:४६:०३
चितवन , १९ जेठ । ललितपुरमा मोटरसाइकल र स्कुटर ठोक्किएर दुर्घटना हुँदा दुवै सवारी साधनका चालकको मृत्यु भएको छ । शुक्रबार राती साढे १२ बजे ललितपुरको महालक्ष्मी नगरपालिका-४ टेम्पो पार्क नजिक बा ८३ प ५२६७ नम्बरको मोटरसाइकल र बा ५६ प ५०५६ नम्बरको स्कुटर ठोक्किँदा दुवै सवारी साधनका चालक गम्भीर घाइते भएका थिए । प्रहरीका अनुसार स्कुटर चालक काठमाडौँ साँखु घर भई डल्लु बस्ने २१ वर्षीय आयुष श्रेष्ठको उपचारका क्रममा किस्ट अस्पतालमा आज (शनिबार) बिहान २:३० बजे निधन भएको थियाे ।
यस्तै मोटरसाइकल चालक खोटाङ साकेला घर भई ललितपुरको लुभु बस्ने २६ वर्षीय लकेश राईको बीएन्डबी अस्पतालमा बिहान ६:२५ बजे मृत्यु भएको हो । दुर्घटना बारे अनुसन्धान भइरहेको प्रहरीले जनाएको छ ।
प्रकाशित मिति : शनिबार, जेठ १९, २०८१ |
१४:४६:०३
1387
