मन्त्रिपरिषद् बैठक सिंहदरबारमा
प्रकाशित मिति: बिहिबार, मंसिर १३, २०८१ | १८:३६:४२
चितवन, १३ मंसिर । नेपाल सरकार मन्त्रिपरिषद्को बैठक सिंहदरबारमा सुरू भएको छ।
प्रधानमन्त्री केपी शर्मा ओलीको चीन भ्रमणको गृहकार्य भइरहेका बेला यस बैठकलाई महत्त्वका साथ हेरिएको छ।
चिनियाँ प्रधानमन्त्री ली छ्याङको निमन्त्रणामा प्रधानमन्त्री ओली १७–२० मंसिरमा बेइजिङ प्रस्थान गर्दैछन्।
प्रधानमन्त्रीको भ्रमणको तयारीकै लागि परराष्ट्रमन्त्री डा आरजु राणा देउवा आजै चीन प्रस्थान गरेकी छन्।
चिनियाँ परियोजना बेल्ट एन्ड रोड इनिसिएटिभ (बीआरआई) को कार्यान्वयन योजनालाई लिएर सत्तारूढ दुई दल नेकपा एमाले र नेपाली कांग्रेसबीच कुरा मिलिरहेको छैन।
दुई दलबीच साझा धारणा बनाउन संयुक्त कार्यदलले पनि काम गरिरहेको छ। उक्त कार्यदलमा बीआरआई कार्यान्वयन योजनाको सट्टा ‘फ्रेमवर्क एग्रिमेन्ट’का लागि गृहकार्य भइरहेको छ।
प्रकाशित मिति : बिहिबार, मंसिर १३, २०८१ |
१८:३६:४२
529
