महासंघको उपाध्यक्ष श्री यज्ञ प्रसाद पन्त द्वारा “FNIC विपद राहत कोष-२०८०” स्थापना

चितवन, ०१ पौष । नेपाल उद्योग व्यापार महासंघको तेस्रो बार्षिक साधारणसभाको अवसरमा देश भरि बिभिन्न खाले राष्ट्रिय विपद बाट ठुलो जनधनको क्षति पुगेको घटनाले मर्माहत भई दोस्रो बार्षिक साधारणसभामा आफ्नो जन्मोत्सवको अवसरबाट प्रेरित भई रु.५१,१५१/- घोषणा गरि अगाडी बढ्दा यस “FNIC विपद राहत कोष-२०८०” ले तेस्रो बार्षिक साधारणसभा बाट सर्वसहमतिले अनुमोदन भई कार्यन्वयनमा सहजता भएको छ । यस कार्यले देशभरका उद्योगी व्यवसायी,देश बिदेशमा रहनुहुने सहयोगी हातहरुले पुर्याउनुहुने सहयोगको उच्च मुल्याङ्कन साथ समावेश गरि कोष बिस्तार गर्दै जाने लक्ष्य राखेको कोषका नवगठित अध्यक्ष यज्ञ प्रसाद पन्त ले जानकारी गराउनुभयो ।

उल्लेखित कोषमा महासंघको केन्द्रिय सदस्य श्री रामसुन्दर बके ज्यू वाट कोष संचालन कार्यविधि स्विकृत भएको उपलक्षमा रू.१,००,००१/- घोषणा गर्नुभयो। उहाँलाई महासंघको केन्द्रिय अध्यक्ष एवं कोषका संरक्षक श्री खिमलाल भण्डारीले अभिनन्दन का पात्र हुनुभयो भनि प्रसंशा गरि धन्यवाद प्रकट गर्नुभयो । साथै यस कोषको सदस्य सचिवमा अध्यक्ष भण्डारीले साधारणसभा समक्ष रामसुन्दर बके ज्यू लाई सिफारिस गर्नुभएकोमा सर्वसहमतिले अनुमोदन भयो । अब तदारुकताका साथ लागि कोष बृहत बनाउन प्रतिवद्ध रहेको भनि कोषका अध्यक्ष एवं महासंघका उपाध्यक्ष यज्ञ प्रसाद पन्त मन्तव्य राख्नुभएको थियो ।