भद्रपुर उडेको बुद्ध एयरको विमानमा समस्या देखिएपछि काठमाडौं डाइभर्ट
प्रकाशित मिति: सोमबार, पौष २२, २०८१ | १२:२४:३३
चितवन, २२ पौष । त्रिभुवन विमानस्थलबाट झापाको भद्रपुर उडेको बुद्ध एयरको विमानमा प्राविधिक समस्या देखिएपछि काठमाडौं डाइभर्ट गरिएको छ ।
बुद्ध एयरका अनुसार डाईभर्ट गरिएको विमानलाई ११ः १५ मा त्रिभुवन विमानस्थलमा सुरक्षित अवतरण गराईएको छ।
उडान नं ९५३ को कलसाइन नाइनएन-एजेएस विमानको दायाँ इन्जिनमा समस्या देखिएको थियो । त्यसपछि पाइलटले विमानलाई काठमाडौं डाइभर्ट गरेका थिए ।
प्राविधिक टोलीले विमानको जाँच गरिरहेको छ । यात्रुलाई अर्को विमानबाट भद्रपुर पठाउने तयारी गरिएको कम्पनीले जनाएको छ ।
प्रकाशित मिति : सोमबार, पौष २२, २०८१ |
१२:२४:३३
551
