दक्षिणी अमेरिकी टेक्सासमा बाढीका कारण दश जनाको मृत्यु
प्रकाशित मिति: शनिबार, जेठ ३१, २०८२ | १३:४४:३७
चितवन, ३१ जेठ । दक्षिणी अमेरिकी राज्य टेक्सासमा आएको बाढीका कारण कम्तिमा दश जनाको मृत्यु भएको छ । केएनएसका अनुसार टेक्सासको सान एन्टोनियो सहरमा वर्षापछि सडकहरूमा बाढी आउँदा सवारी साधनहरूसमेत अवरुद्ध भएको जनाइएको छ ।
सान एन्टोनियो फायर विभागले पीडितहरूको खोजी गरिरहेको जनाइएको छ । हालसम्म मृतकको सङ्ख्या दश पुगेको सहरका अधिकारीहरूले पुष्टि गरेका छन ।
सान एन्टोनियो मेयर रोन निरेनबर्गले सामाजिक सञ्जाल एक्समा बाढीमा ज्यान गुमाएका हरूको खोजी जारी राख्ने बताएका छन् । सहरका अधिकारीहरूले बाढी प्रभावितको उद्धार र अनुसन्धान भइरहेको बताएका छन् ।
वैज्ञानिकहरूले लामो समयदेखि मानव निर्मित जीवाश्म ईन्धन उत्सर्जन द्वारा सञ्चालित जलवायु परिवर्तनले उच्च वर्षा जस्ता चरम मौसम घटनाहरूको सम्भावना बढाइरहेको चेतावनी दिएका छन ।
प्रकाशित मिति : शनिबार, जेठ ३१, २०८२ |
१३:४४:३७
903
