सुन तोलामा २,१०० र चाँदी ५५ रुपैयाँले घट्यो
प्रकाशित मिति: शुक्रबार, जेठ २२, २०८३ | १२:५६:३९
चितवन, २२ जेठ । स्थानीय बजारमा आज सुनचाँदीको मूल्यमा गिरावट आएको छ। नेपाल सुनचाँदी व्यवसाय महासङ्घका अनुसार आज सुनको मूल्य प्रतितोला रु २ हजार १०० र चाँदीको मूल्य रु ५५ ले घटेको हो।
महासङ्घका अनुसार छापावाल सुनको मूल्य आज प्रतितोला रु ३ लाख ९ हजार कायम भएको छ। त्यस्तै, चाँदी प्रतितोला रु ५ हजार २३० मा कारोबार भइरहेको छ।
यसअघि बिहीबार सुन प्रतितोला रु ३ लाख ११ हजार १०० र चाँदी रु ५ हजार २८५ मा कारोबार भएको थियो। बुधबार सुनको मूल्य प्रतितोला रु ३ लाख ११ हजार ३०० र चाँदी रु ५ हजार ३७० रहेको थियो।
अन्तर्राष्ट्रिय बजारमा भने आज सुन प्रतिऔँस ४ हजार ४४३ अमेरिकी डलर र चाँदी प्रतिऔँस ७५ अमेरिकी डलरमा कारोबार भइरहेको अन्तर्राष्ट्रिय सञ्चारमाध्यमहरूले जनाएका छन्।
प्रकाशित मिति : शुक्रबार, जेठ २२, २०८३ |
१२:५६:३९
287
