वीरगञ्ज भन्सारबाट एक वर्षमा २ खर्ब ४३ अर्बभन्दा बढी राजस्व सङ्कलन
प्रकाशित मिति: शनिबार, साउन ०२, २०८३ | १३:१७:५०
चितवन, ०२ साउन । वीरगञ्ज भन्सार कार्यालयले आर्थिक वर्ष २०८२/८३ मा दुई खर्ब ४३ अर्ब ८२ करोड रुपैयाँ राजस्व सङ्कलन गरेको छ।
कार्यालयका सूचना अधिकारी उदयसिंह विष्टका अनुसार यो रकम वार्षिक लक्ष्यको ८९.१९ प्रतिशत हो। गत आर्थिक वर्षका लागि कार्यालयलाई दुई खर्ब ७३ अर्ब ३७ करोड रुपैयाँ राजस्व सङ्कलन गर्ने लक्ष्य दिइएको थियो।
भन्सार विभागले आर्थिक वर्ष २०८२/८३ मा देशभरका सबै भन्सार कार्यालयमार्फत कुल पाँच खर्ब ८८ अर्ब २५ करोड रुपैयाँ राजस्व सङ्कलन गर्ने लक्ष्य निर्धारण गरेको थियो। उक्त लक्ष्यमध्ये वीरगञ्ज भन्सार कार्यालयको हिस्सा ४१.४५ प्रतिशत रहेको विभागले जनाएको छ।
प्रकाशित मिति : शनिबार, साउन ०२, २०८३ |
१३:१७:५०
507
