जिल्ला अदालत काठमाडौँबाट हतकडीसहित फरार थुनुवा समातिए
प्रकाशित मिति: बिहिबार, पौष १९, २०८० | ११:०२:३१
काठमाडौं । जिल्ला अदालत काठमाडौं परिसरबाट हतकडीसहित फरार भएका थुनुवालाई प्रहरीले दुवाकोटबाट पक्राउ गरेको छ । बुधबार म्याद थपका लागि अदालत लग्दा सिन्धुपाल्चोकका कमल खड्का हतकडीसहित फरार भएका थिए। खड्कालाई आज बिहान दुवाकोटबाट पक्राउ गरिएको एक प्रहरी अधिकृतले बताए ।
डलर देखाएर लुटपाट गरेको आरोपमा प्रहरी वृत्त, स्वयम्भुले खड्कालाई पक्राउ गरेको थियो । सो मुद्दामा कारागार चलान भएका खड्कालाई महाराजगञ्ज प्रहरीमा परेको अर्को मुद्दाको सिलसिलामा प्रहरीले हिजो अदालत लगेको थियो । तर उनी प्रहरीको आँखा छलेर परार भएका थिए ।
प्रकाशित मिति : बिहिबार, पौष १९, २०८० |
११:०२:३१
2861
