हत्या गरी फालिएको अवस्थामा पुरुषको शव फेला
प्रकाशित मिति: शनिबार, जेठ १९, २०८१ | १४:५५:२६
चितवन , १९ जेठ । कपिलवस्तुको सुद्धोधन गाउँपालिका– ६ बेलभरिया गाउँको दक्षिण मर्थी खोलाको नालामा शनिवार बिहान करिव १० बजेतिर हत्या गरी फालिएको अवस्थामा एक पुरुषको शव फेला परेको छ । अनुहारमा ढुंगाले हानेर हत्या गरी नालामा छाडिएको अवस्थामा अन्दाजी २८ देखि ३० वर्षीय पुरुषको शव फेला परेको कपिलबस्तुका प्रहरी नायब उपरिक्षक हरिबहादुर ओलीले जानकारी दिए ।
मृतक पुरुषको मुखमा गहिरो चोट देखिएको र शव नजिकै ढुंगासमेत फेला परेको ओलीले बताए । शवको पहिचान नखुलेको र पोस्टमार्टका लागि प्रादेशिक अस्पताल वुटवल पठाइएको छ । उक्त घटनाको अनुसन्धान भइरहेको प्रहरीको भनाइ छ ।
प्रकाशित मिति : शनिबार, जेठ १९, २०८१ |
१४:५५:२६
1497
